• बुधबार ०३, असोज २०७५

जनकपुर पुगेर प्रदेश मुख्य मन्त्रीलाई उद्योग मन्त्री मात्रिका यादबको यस्तो चेतावनी

महेन्द्रनगर– उद्योग वाणिज्य तथा आपूर्ति मन्त्री मातृकाप्रसाद यादवले जनकपुरस्थित बन्द रहेको जनकपुर चुरोट कारखाना लिमिटेडमा प्रादेशिक मन्त्रालय स्थापना नगर्न मुख्य मन्त्रीलाई चेतावनी दिएका छन् ।

मन्त्री यादवले कारखाना क्षेत्रमा प्रदेश सरकाको कार्यालय संचालन हुँदा कारखाना सञ्चालनमा ल्याउन समस्या हुने भन्दै जचुकालीमा प्रादेशिक मन्त्रालय स्थापना भएको अवस्थामा मन्त्रीहरुको आवासका लागि अन्तै निवास व्यवस्था गर्न प्रादेशिक मुख्यमन्त्रीलाई आग्रह गरेका हुन् ।

उनले बन्द उद्योग तथा कलकारखाना पुनःसञ्चालनमा ल्याउनका लागि पहल गर्ने बताएका छन् । नेकपा (माओवादी केन्द्र) धनुषाले होली पर्वको अवसरमा आज जनकपुरमा होली पर्वको अवसरमा आयोजना गरेको शुभकामना आदानप्रदान एवं सम्मान कार्यक्रमलाई सम्बोधन गर्दै मन्त्री यादवले बन्द कारखाना छिट्टै नै सञ्चालनमा ल्याउने बताए ।

मन्त्री यादवले समाजवादको आधार तयार नभएसम्म देश प्रगतिको बाटोमा अगाडि बढ्न नसक्ने बताए । समाजवादको दिशामा अगाडि बढ्नका लागि सम्पूर्ण नेपालीको आर्थिक विकास समान रुपमा हुनु आवश्यक रहेको उनको भनाइ थियो । “अहिलेको चुनौती संविधान संशोधन हो, संविधान संशोधनको सवालमा वर्तमान सरकारले आवश्यक पहल गर्छ,” उनले भने– “सबैलाई समेटेर संविधान संशोधन हुन्छ ।”

Loading...
Related Posts
Don't miss it
Editors choice